Taksering gjekk føre seg i perioden 5. til 8. august. Resultatet synte eit tal på 4 (3-6) ryper pr. km2. Det positive er at ein fekk eit tal på kyllingar pr. rypehøne på 7,5, noko som gjev von om at ein vil få ein auke i fjell- og lirype stammane neste år. I 2009 var det same forholdet på kyllingar pr. rypehøne på 2,6.
Søknadsfrist for rypejakt for sesongen 2011, er 1. april.
Søknadsskjema vert lagt ut på heimesidene til Eidfjord Fjellstyre. Eventuell tildeling av jaktkort vert heller ikkje i 2011 gjort før etter taksering i august.
Eidfjord Fjellstyre ber om forståing for avgjerda om freding av rypa i 2010. Me vil og takka jegerane som tolmodige har måtte venta lenge på svar.